Stofnendur og forstjórar tveggja fyrirtækja sem teljast til svokallaðra einhyrninga tóku á dögunum við Geisla, sérstakri viðurkenningu Samtaka iðnaðarins, fyrir framlög sín til íslensks atvinnulífs og verðmætasköpunar í landinu. Það voru Guðmundur Fertram Sigurjónsson, stofnandi og forstjóri Kerecis, og Róbert Wessmann, stofnandi og forstjóri Alvotech, sem veittu viðurkenningunum móttöku.