Möguleikar gervigreindarinnar og þáttur kvenna í þeirri þróun sem er fram undan voru til umræðu á viðburði Origo á dögunum.
Sigríður Mogensen, Ana Paula Assis, Áslaug Arna Sigurbjörnsdóttir tóku þátt í pallborðsumræðum.
Ljósmynd: Víðir Björnsson
Deila
Origo stóð fyrir viðburðinum „Valdefling kvenna á tímum gervigreindar“ síðastliðinn fimmtudag og var hann vel sóttur.
Ana Paula Assis, framkvæmdastjóri IBM í Evrópu, Afríku og Miðausturlöndum, var sérstakur gestur en hún er með 25 ára reynslu í tæknigeiranum og hefur með góðum árangri leitt gervigreindarstefnu IBM.
Talaði hún um gervigreind og mikilvæga þætti eins og fjölbreytni og þátttöku kvenna í tæknigeiranum, kynjahalla í gervigreind og ráð fyrir konur sem vilja sækja fram í geiranum. Málefnið var síðan rætt í pallborðsumræðum ásamt öðrum íslenskum leiðtogum í geiranum.
Ana Paula Assis, framkvæmdastjóri IBM í Evrópu, Afríku og Miðausturlöndum, var sérstakur gestur.
Þar á meðal voru Áslaug Arna Sigurbjörnsdóttir, háskóla-, iðnaðar- og nýsköpunarráðherra, Sigríður Mogensen, sviðsstjóri iðnaðar- og hugverkasviðs Samtaka iðnaðarins og formaður ráðgjafanefndar EFTA, og Brynjólfur Borgar Jónsson, stofnandi og framkvæmdastjóri Datalab. Arna Harðardóttir, framkvæmdastjóri Helix Health, stýrði umræðunum.
Ari Daníelsson, Sigríður Mogensen, Arna Harðardóttir, Ana Paula Assis, Áslaug Arna Sigurbjörnsdóttir og Brynjólfur Borgar Jónsson.
Í nýlegri skýrslu IBM um kvenleiðtoga á tímum gervigreindar kemur þannig fram að mikilvægt sé að fjárfesta í fyrirtækjum sem eru reknar og stofnaðar af konum, auka sýnileika í stjórnendastöðum, vera með mentor námskeið (e. mentor programs), auka tæknikennslu í skólum, hvetja konur í raungreinar (e. STEM) í háskólum, skapa inngildandi menningu á vinnustöðum með því að vekja athygli á mikilvægi fjölbreytileika og jákvæðum áhrifum hans á nýsköpun.
Elfa Aradóttir, Ragnhildur Ágústsdóttir og Inga María Backman.
