Þann 17. desember sl. héldu KLAK – Icelandic Startups sérstakan viðburð tileinkaðan Gullegginu, stærstu frumkvöðlakeppni landsins. Viðburðurinn var tvíþættur og endurspeglaði sögu keppninnar sem nær aftur til ársins 2008.
Nýr verðlaunagripur, sem Héðinn hf., bakhjarl keppninnar, útbjó úr myndmerki Gulleggsins, var einnig formlega kynntur og afhentur öllum þeim fyrirtækjum sem hafa unnið keppnina síðustu 17 ár og eru enn starfandi.
Einnig voru veitt sérstök heiðursviðurkenning, en markmið hennar er að undirstrika að frumkvöðlastarf snýst ekki einungis um að sigra keppni heldur einnig að leggja grunn að framtíðarverkefnum og sigrast á áskorunum.
Það var fyrirtækið Taktikal sem hlaut heiðursviðurkenningu að þessu sinni, og tók Valur Þór Gunnarsson, annar stofnandi Taktikal, við verðlaununum fyrir hönd félagsins.
„Þetta byrjaði allt á saklausum kynningarviðburði Gulleggsins eins og þessum. Við fengum hvatninguna sem þurfti til þess að skrá okkur og svo réttu leiðsögnina í gegnum keppnina til þess að vera núna kominn á þennan stað sem við erum á í dag með stóra fjárfesta og þúsundir viðskiptavina víða um heiminn,“ sagði Valur Þór.
Vinningshafar Gulleggsins undanfarin ár:
2008 Videntifier
2009 Controlant
2011 Róró
2016 Pay analytics
2017 Atmonia
2018 Flow
2019 Dufl
2020 Heima
2022 Tvík
2023 Better sex
2024 Sea Growth
