Á síðustu vikum hafa tveir nýir stjórnendur komið til starfa hjá Húsasmiðjunni, það eru þau Finnur Guðmundsson, sem er nýr framkvæmdastjóri fagsölusviðs Húsasmiðjunnar og Edda Björk Kristjánsdóttir sem stýrir nú mannauðsmálum Húsasmiðjunnar.
Framkvæmdastjóri Fagsölusviðs
© Aðsend mynd (AÐSEND)
Finnur hefur hefur reynslu af sölu- og markaðsmálum á fyrirtækjamarkaði en hann starfaði áður sem framkvæmdastjóri sölu- og markaðssviðs E-Tactica, sem forstöðumaður sölu- og þjónustudeildar tryggingafélagsins Varðar, framkvæmdastjóri sölu- og markaðssviðs DHL og síðast sem verkefnastjóri innflutnings og sérsölu hjá Límtré Vírneti.
Finnur hefur jafnframt töluverða alþjóðlega starfsreynslu en hann rak um ellefu ára skeið fyrirtæki í Hong Kong og Kína sem bauð erlendum viðskiptavinum heildarlausnir í innkaupum og framleiðslu á vörum frá Kína. Var Húsasmiðjan þar meðal viðskiptavina ásamt ýmsum erlendum byggingarvörukeðjum. Eiginkona Finns er Angela María Roldos, verkefnastjóri hjá Valitor og eiga þau saman þrjú börn.
Mannauðssjóri
© Aðsend mynd (AÐSEND)
Edda útskrifast úr námi í stjórnendamarkþjálfun (Executive Coaching) frá Opna Háskólanum í HR núna í vor. Edda er með MA gráðu í Mannauðsstjórnum frá Háskóla Íslands, þar sem hún lauk meðal annars áföngum frá Columbia University í New York. Þá hefur hún einnig lokið BS námi í félagsfræði sem og viðburðarstjórnun frá Háskólanum á Hólum.
Edda mun stýra mannauðsmálum Húsasmiðjunnar sem leggur mikla áherslu á mannauðs- og fræðslumál. Nú er meðal annars unnið að jafnlaunavottun Húsasmiðjunnar og verður því verkefni lokið fyrir næstu áramót. Eiginmaður Eddu er Jón Trausti Ólafsson, framkvæmdastjóri Öskju og eiga þau þrjú börn.
