Heiða Björg Hilmisdóttir, varaformaður Sambands íslenskra sveitarfélaga og borgarfulltrúi, verður næsti formaður Sambands íslenskra sveitarfélaga. Samkvæmt samþykktum sambandsins fór kosning formanns fram dagana 15. – 29. ágúst. Þetta kemur fram í tilkynningu.
Auk Heiðu Bjargar bauð Rósa Guðbjartsdóttir, bæjarstjóri í Hafnarfirði, sig fram til að gegna embætti formanns næstu fjögur árin.
Heiða Björg mun taka við embætti af Aldísi Hafsteinsdóttur, núverandi formanni, á landsþingi sambandsins sem haldið verður á Akureyri dagana 28.-30. september. Á landsþinginu verður stjórn sambandsins kjörtímabilið 2022-2026 kjörin.
Á kjörskrá voru 152 landsþingsfulltrúar og var kosningaþátttaka 98,03%. Heiða Björg hlaut 76 atkvæði eða 51,01%, en Rósa Guðbjartsdóttir hlaut 73 atkvæði eða 48,99%.
Heiða Björg er fædd og uppalin í Eyjafirði, en hefur búið í Reykjavík nær öll hennar fullorðinsár. Heiða Björg var kjörin varaformaður Samfylkingarinnar í febrúar 2017, hún hefur setið í borgarstjórn Reykjavíkur í 9 ár og verið varaformaður stjórnar Sambands íslenskra sveitarfélaga síðustu 4 ár.
Heiða Björg Hilmisdóttir, varaformaður Sambands íslenskra sveitarfélaga og borgarfulltrúi, verður næsti formaður Sambands íslenskra sveitarfélaga. Samkvæmt samþykktum sambandsins fór kosning formanns fram dagana 15. – 29. ágúst. Þetta kemur fram í tilkynningu.
Auk Heiðu Bjargar bauð Rósa Guðbjartsdóttir, bæjarstjóri í Hafnarfirði, sig fram til að gegna embætti formanns næstu fjögur árin.
Heiða Björg mun taka við embætti af Aldísi Hafsteinsdóttur, núverandi formanni, á landsþingi sambandsins sem haldið verður á Akureyri dagana 28.-30. september. Á landsþinginu verður stjórn sambandsins kjörtímabilið 2022-2026 kjörin.
Á kjörskrá voru 152 landsþingsfulltrúar og var kosningaþátttaka 98,03%. Heiða Björg hlaut 76 atkvæði eða 51,01%, en Rósa Guðbjartsdóttir hlaut 73 atkvæði eða 48,99%.
Heiða Björg er fædd og uppalin í Eyjafirði, en hefur búið í Reykjavík nær öll hennar fullorðinsár. Heiða Björg var kjörin varaformaður Samfylkingarinnar í febrúar 2017, hún hefur setið í borgarstjórn Reykjavíkur í 9 ár og verið varaformaður stjórnar Sambands íslenskra sveitarfélaga síðustu 4 ár.