Hjörvar Jóhannesson hefur tekið við sem framkvæmdastjóri sölu- og viðskiptaþróunar hjá Taktikal. Hann mun bera ábyrgð á viðskiptaþróun, sölu og ráðgjöf til viðskiptavina fyrirtækisins. Hjörvar er meðal annars viðskiptafræðingur frá Háskólanum í Reykjavík.

Taktikal hjálpar fyrirtækjum að endurhanna og sjálfvirknivæða ferla fyrir rafrænar undirskriftir.

Hjörvar kemur til Taktikal frá Motus þar sem hann hefur starfað allt frá árinu 2001, meðal annars sem sölustjóri, viðskiptastjóri stórra fyrirtækja og síðast sem forstöðumaður viðskiptastýringar. Hjörvar stýrði einnig viðskiptaþróun fyrir fjártæknifélögin Greiðslumiðlun og Pei.

„Ég er mjög spenntur fyrir að fá tækifæri til þess að leiða viðskiptaþróun Taktikal og hlakka til að halda áfram á þeirri frábæru vegferð sem Taktikal hefur verið frá stofnun þess 2017,” segir Hjörvar.

„Við erum mjög spennt að fá Hjörvar til liðs við okkur á þessum tímapunkti. Við höfum verið að útvíkka þjónustuframboð okkar og erum að hefja sókn inn á nýja erlenda markaði. Reynsla Hjörvars mun spila lykilhlutverk á okkar vegferð,“ segir Valur Þór Gunnarsson, framkvæmdastjóri Taktikal.

Hjörvar Jóhannesson hefur tekið við sem framkvæmdastjóri sölu- og viðskiptaþróunar hjá Taktikal. Hann mun bera ábyrgð á viðskiptaþróun, sölu og ráðgjöf til viðskiptavina fyrirtækisins. Hjörvar er meðal annars viðskiptafræðingur frá Háskólanum í Reykjavík.

Taktikal hjálpar fyrirtækjum að endurhanna og sjálfvirknivæða ferla fyrir rafrænar undirskriftir.

Hjörvar kemur til Taktikal frá Motus þar sem hann hefur starfað allt frá árinu 2001, meðal annars sem sölustjóri, viðskiptastjóri stórra fyrirtækja og síðast sem forstöðumaður viðskiptastýringar. Hjörvar stýrði einnig viðskiptaþróun fyrir fjártæknifélögin Greiðslumiðlun og Pei.

„Ég er mjög spenntur fyrir að fá tækifæri til þess að leiða viðskiptaþróun Taktikal og hlakka til að halda áfram á þeirri frábæru vegferð sem Taktikal hefur verið frá stofnun þess 2017,” segir Hjörvar.

„Við erum mjög spennt að fá Hjörvar til liðs við okkur á þessum tímapunkti. Við höfum verið að útvíkka þjónustuframboð okkar og erum að hefja sókn inn á nýja erlenda markaði. Reynsla Hjörvars mun spila lykilhlutverk á okkar vegferð,“ segir Valur Þór Gunnarsson, framkvæmdastjóri Taktikal.