María Rán Ragnarsdóttir hefur verið ráðin í starf leiðtoga þjónustu hjá Símanum samkvæmt fréttatilkynningu frá fyrirtækinu. Þar segir að hún muni móta og innleiða nýja þjónustustefnu Símans, „með það að markmiði að mæta þörfum viðskiptavina enn frekar og tryggja að upplifun sé ávallt framúrskarandi.“
María Rán kemur til Símans frá OK þar sem hún var forstöðumaður tækniþjónustu. Hún hefur mikla reynslu af þjónustu á sviði fjarskipta þar sem áður starfaði hún í 10 ár hjá Ljósleiðaranum.
María er verkfræðingur með B.Sc. í vélaverkfræði frá Háskóla Íslands og M.Sc. í Management and Economics of Innovation frá Chalmers University of technology í Gautaborg.
„Síminn stendur á spennandi tímamótum og ætlar sér að verða lipurt og nútímalegt þjónustufyrirtæki á sviði fjarskipta og afþreyingar. Ég er þakklát og full tilhlökkunar að leggja mín lóð á vogarskálarnar og leiða þessa vegferð með öllu starfsfólki Símans. Það hefur aldrei verið mikilvægara að leggja áherslu á heildræna upplifun viðskiptavina, gott viðmót og þjónusta skiptir jafn miklu máli og að varan standist væntingar. Stafrænar dreifileiðir og aukin sjálfsafgreiðsla eru mikilvægari en nokkru sinni fyrr og ætlum við hjá Símanum að mæta þörfum og væntingum viðskiptavina okkar og gott betur,“ María Rán Ragnarsdóttir.
„María Rán kemur til Símans með einstaka þekkingu og reynslu og ég er ekki í nokkrum vafa um að hún eigi eftir að styrkja okkur enn frekar í þeim verkefnum sem fram undan eru. María hefur strax stimplað sig inn og sýnt að hún er öflugur og kraftmikill leiðtogi sem við hlökkum mikið til að vinna með,“ segir Berglind Björg Harðardóttir, framkvæmdastjóri sölu og þjónustu hjá Símanum.