Sigurður Stefán Flygenring hefur tekið við starfi þjónustustjóra fyrirtækjasviðs Macland. Sigurður Stefán starfaði áður sem tæknimaður á verkstæði fyrirtækisins en hann hefur starfað hjá Macland frá stofnun þess árið 2010.
Þá hefur Sigurður Helgi Ellertsson tekið við starfi þjónustustjóra einstaklingssviðs. Sigurður Helgi starfaði einnig sem tæknimaður á verkstæði fyrirtækisins en hann hefur starfað hjá Macland síðan í janúar 2011.
Báðir hafa þeir Sigurður Stefán og Sigurður Helgi sótt fjölmörg námskeið hjá Apple.
Hörður Ágústsson, eigandi Macland, segir að ákveðið hafi verið að fara í þessar skipulagsbreytingar til að geta betur mætt kröfum viðskiptavina þeirra. Hann segir heppni að nóg sé að gera hjá Macland og vonar að svo verði áfram.
Sigurður Helgi Ellertsson
Sigurður Stefán Flygenring
