Úttekt Viðskiptablaðsins á efstu sætum framboðslista stjórnmálaflokkanna sýnir að 60% frambjóðenda eru annaðhvort stjórnmálamenn eða opinberir starfsmenn.
Í úttektinni eru störf þeirra sem skipa fimm efstu sætin á listum þeirra flokka sem nú eiga sæti á þingi skoðuð. Störfin eru flokkuð með eftirfarandi hætti:
- Í fyrsta lagi almenni markaðurinn. Í þennan flokk voru þeir frambjóðendur sem starfa hjá einkafyrirtækjum, verktakar, sjálfstætt starfandi og bændur.
- Í öðru lagi voru stjórnmálamenn teknir í sérflokk og auk sitjandi alþingismanna og þeirra sem hafa stjórnmál að ævistarfi voru sveitarstjórnarfulltrúar stærri sveitarfélaga settir í þennan flokk.
- Þriðji hópurinn er opinberi geirinn og ekki þarf að orðlengja um hverjir eru í þeim flokki.
- Í næsta hópi voru þeir sem starfa hjá hinum svokallaða þriðja geira settir en þar er um að ræða félagasamtök, hagsmunasamtök og íþróttahreyfinguna svo dæmi séu tekin.
Þegar litið er til einstakra flokka má sjá að einungis 6,7% frambjóðenda Samfylkingarinnar koma frá almenna markaðnum. 40% þeirra eru opinberir starfsmenn og 36,7% frambjóðenda koma úr stjórnmálunum.
Þá koma 13% þeirra úr þriðja geiranum. Þar á meðal er Kristján Þórður Snæbjarnarson, formaður Rafiðnaðarsambands Íslands og einn varaforseta ASÍ, og Sigurþóra Steinunn Bergsdóttir, framkvæmdastjóri og stofnandi Bergsins headspace.
Þar að auki er Hannes Sigurbjörn Jónsson, framkvæmdastjóri Körfuknattleikssambands Íslands í öðru sæti á lista Samfylkingarinnar í Norðvesturkjördæmi, en hann bauð sig fram fyrir Sjálfstæðisflokkinn fyrir áratug síðan.
Nánar er fjallað um málið í Viðskiptablaðinu. Áskrifendur geta nálgast greinina í heild hér.
