Ankeri Solutions, sem býr til og þróar skýjalausnir fyrir gámaskipaflutningafyrirtæki, var rekið með 29 milljóna króna tapi í fyrra en árið áður nam tapið 83 milljónum.

Tekjur námu 186 milljónum og jukust um 68% frá fyrra ári. Þá kemur fram í ársreikningi að sölutekjur hafi aukist um 81% milli ára og árlegar endurteknar tekjur um 170%.

Kristinn A. Aspelund er framkvæmdastjóri og annar stofnenda Ankeri en hann á 29% hlut í félaginu. Meðstofnandi hans, Leifur A. Kristjánsson, á jafn stóran hlut.

Lykiltölur/Ankeri Solutions

2023 2022
Tekjur 186 111
Eignir 393 216
Eigið fé 152 182
Afkoma -29 -83
- í milljónum króna

Fréttin birtist fyrst í Viðskiptablaðinu.