Íslenska hjólafyrirtækið Lauf Cycles skilaði 163 milljóna króna tapi í fyrra en félagið hefur nú tapað 353 milljónum á síðustu tveimur árum.
Í ársreikningi kemur fram að vörusala samstæðunnar nam 1.339 milljónum króna á árinu 2023 sem er lækkun um 4 milljónir á milli ára eða um 0,3%.
Félagið jók hlutafé sitt um 552 þúsund krónur að nafnvirði eða 110 milljónir að söluverði. i. Annars vegar var um að ræða umbreytingu á skuldabréfum með breytirétti og hins vegar útgáfu nýrra hluta í tengslum við vel heppnað hlutafjárútboð í lok árs 2022.
Íslenska hjólafyrirtækið Lauf Cycles skilaði 163 milljóna króna tapi í fyrra en félagið hefur nú tapað 353 milljónum á síðustu tveimur árum.
Í ársreikningi kemur fram að vörusala samstæðunnar nam 1.339 milljónum króna á árinu 2023 sem er lækkun um 4 milljónir á milli ára eða um 0,3%.
Félagið jók hlutafé sitt um 552 þúsund krónur að nafnvirði eða 110 milljónir að söluverði. i. Annars vegar var um að ræða umbreytingu á skuldabréfum með breytirétti og hins vegar útgáfu nýrra hluta í tengslum við vel heppnað hlutafjárútboð í lok árs 2022.
Benedikt Skúlason er framkvæmdastjóri Lauf en hann á rúmlega 16% hlut í félaginu.
Eigið fé félagsins í árslok nam 323 milljónum króna að meðtöldu hlutafé félagsins að fjárhæð 12,6 milljónir.
Til þess að auka rekstrarhagræði ákvað Lauf að flytja allan vörulager og samsetningu frá Taívan yfir til Bandaríkjanna árið 2022. Stofnað var nýtt félag í Bandaríkjunum, Lauf North America LLC sem er í 100% eigu Lauf Cycles hf.
Í skýrslu stjórnar segir að dótturfélagið hafi flutt í varanlegt verksmiðjuhúsnæði í Virginíufylki þar sem nú fer fram öll samsetning og dreifing félagsins á heimsvísu, ásamt því að hýsa allan vörulager félagsins.
„Meirihluti veltu samstæðunnar ásamt rekstrargjöldum fer nú í gegnum dótturfélagið. Stjórnendur telja að aukið rekstrarhagræði á samstæðugrundvelli muni skila sér að hluta á árinu 2024 og að fullu á árinu 2025. Rekstrarbati var hjá félaginu á milli ára þrátt fyrir uppsetningu á verksmiðju í Bandaríkjunum og krefjandi markaðsaðstæður, en árið 2023 þykir eitt það versta í hjólageiranum til lengri tíma,“ segir í skýrslunni.
Stjórnin segir jafnframt að þó svo að tekjur hafi staðið í stað á milli ára, þá jókst hjólasala samstæðunnar um 22% á milli ára, en vegna breyttra téðra markaðsaðstæðna var farið í verðlækkun á hjólaframboði samstæðunnar.
Á fyrstu fjórum mánuðum ársins 2024 hafa tekjur og hjólasala samstæðunnar aukist samanborið við sama tímabil árið 2023.
