Samtök fyrirtækja í fjármálaþjónustu (SFF) í samstarfi við Samtök atvinnulífsins standa fyrir morgunfundi undir yfirskriftinni Leiðir til að lækka vexti. Fundurinn, sem er haldinn á Hótel Reykjavík Natura, stendur yfir frá 9:00-11:00.
Á fundinum verður munu fulltrúar stjórnmálaflokka sem eru í framboði til Alþingis ræða sína framtíðarsýn fyrir fjármálaþjónustu hér á landi. Marínó Örn Tryggvason, hjá Arma Advisors og fyrrverandi forstjóri Kviku banka, mun stýra pallborðsumræðunum með frambjóðendum.
Benedikt Gíslason, bankastjóri Arion banka, og Már Guðmundsson, fyrrverandi seðlabankastjóri, flytja báðir erindi á fundinum.
Þá mun Gunnar Haraldsson, hagfræðingur og framkvæmdastjóri Intellecon, kynna niðurstöður úttektar ráðgjafafyrirtækisins um þróun starfsumhverfis fjármálaþjónustu á Íslandi undanfarin ár, ásamt skattspori fjármálageirans og ræðir niðurstöðurnar í samhengi við yfirskrift fundarins. Fjallað var um úttektina í Viðskiptablaði vikunnar.
Dagskrá fundarins:
Erindi:
- Gunnar Haraldsson hagfræðingur mun kynna niðurstöður úttektar ráðgjafafyrirtækisins Intellecon um þróun starfsumhverfis fjármálaþjónustu á Íslandi undanfarin ár, ásamt skattspori fjármálageirans og ræðir niðurstöðurnar í samhengi við yfirskrift fundarins.
- Benedikt Gíslason, bankastjóri Arion banka.
- Már Guðmundsson, fyrrverandi seðlabankastjóri.
Pallborðsumræður með frambjóðendum:
- Fulltrúar stjórnmálaflokka sem eru í framboði til Alþingis munu jafnframt ræða sína framtíðarsýn fyrir fjármálaþjónustu hér á landi næstu árin. Marínó Örn Tryggvason, hjá Arma Advisors og fyrrverandi forstjóri Kviku banka, stýrir pallborðsumræðunum með eftirfarandi frambjóðendum:
- Sigurður Ingi Jóhannsson, formaður Framsóknarflokksins
- Þórdís Kolbrún Reykfjörð Gylfadóttir, varaformaður Sjálfstæðisflokksins
- Kristrún Frostadóttir, formaður Samfylkingarinnar
- Björn Leví Gunnarsson, oddviti Pírata í Reykjavík suður
- Þorbjörg Sigríður Gunnlaugsdóttir, oddviti Viðreisnar í Reykjavík suður
- Ragnar Þór Ingólfsson, oddviti Flokks fólksins í Reykjavík norður
- Ólafur Ísleifsson, 3. sæti á lista Miðflokksins í suðurkjördæmi
- Rósa Björk Brynjólfsdóttir, 2. sæti á lista VG í Reykjavík norður.
Heiðrún Jónsdóttir, framkvæmdastjóri SFF, verður fundarstjóri.
