Bjarni Benediktsson, formaður Sjálfstæðisflokksins, verður næsti forsætisráðherra Íslands. Hann tilkynnti fjölmiðlum um þessar breytingar á fjölmiðlafundi í Hörpu rétt í þessu.
Sigurður Ingi Jóhannsson formaður Framsóknarflokksins verður fjármálaráðherra og Innviðaráðuneytið færist til Vinstri grænna.
Svandís Svavarsdóttir verður innviðaráðherra og Bjarkey Olsen Gunnarsdóttir verður matvælaráðherra og Þórdís Kolbrún R. Gylfadóttir verður utanríkisráðherra að nýju. Lyklaskipti vara fram á morgun.
Stjórnarsáttmáli er óbreyttur að sögn Bjarna.
Mikilvæg mál sem þarf að klára
Bjarni sagði mikilvægt að endurskipa í ráðherrastóla við þær aðstæður sem hafa komið upp eftir að Katrín Jakobsdóttir baðst lausnar úr embætti á sunnudaginn.
„Við erum með mikilvæg mál sem liggja fyrir þessu þingi sem stutt er eftir af,“ sagði Bjarni.
Á fundinum sagði Bjarni, Sigurður og Guðmundur Ingi að mikilvægasta málið væri að ná tökum á verðbólgunni svo hægt sé að lækka vexti.
Stjórnarandstaðan getur andað léttar
Guðmundur Ingi sagði mikilvægast fyrir Innviðaráðuneytið að klára Borgarlínu og samgöngusáttmálann.
Bjarni sagði þá alla bratta á framhaldið. „Það var auðvitað eftir því tekið að þingið beið og stjórnarandstaðan hafði miklar áhyggjur af því hvernig þetta allt gengi en hún vonandi andar léttar núna,“ sagði Bjarni að lokum.
