Neyðarstig almannavarna er í gildi á Reykjanesi vegna jarðhræringa sem hófust nærri Grindavík í lok síðasta mánaðar. Grindavíkurbær var rýmdur á föstudag en talið er að gos geti hafist hvenær sem er á næstu dögum og er ekki útilokað að kvikan brjóti sér leið upp innan bæjarins.

Íbúum hefur verið hleypt inn í hollum undanfarna daga en ljóst er að tjón af völdum þessa atburðar er þegar orðið umtalsvert og óvissan mikil.