APRÓ, íslenskt nútímaupplýsingatæknifyrirtæki, hefur hafið samstarf við Miðstöð menntunar- og skólaþjónustu (MMS) í nýsköpunarverkefni sem miðar að því að nýta gervigreind til að bæta aðgengi kennara að sérhæfðu námsefni.
Verkefnið, sem er enn á tilraunastigi, sýnir framsýni MMS í að kanna möguleika nútímatækni í menntakerfinu.
APRÓ, sem sérhæfir sig í skýjalausnum, hugbúnaðarþróun og gervigreind, hefur þróað fyrstu útgáfu kerfis sem nýtir AWS skýjaþjónustu og gervigreindarlíkanið Claude frá Anthropic.
Kerfið mun gera kennurum kleift að finna og nýta sérhæft námsefni á mun skilvirkari hátt en áður, sem gæti haft mikil áhrif á gæði kennslu og námsárangur nemenda.
„Við hjá MMS erum staðráðin í að nýta nútímatækni til að efla menntakerfið okkar. Samstarfið við APRÓ sýnir að við erum tilbúin að taka framsækin skref til að mæta síbreytilegum þörfum nemenda og kennara. Þetta verkefni er mikilvægur liður í því að skapa sveigjanlegt og nútímalegt námsumhverfi,“ segir Árni Árnason, sviðsstjóri þjónustu- og samskiptasviðs hjá Miðstöð menntunar og skólaþjónustu.
Í tilkynningu segir að verkefnið sé skýrt dæmi um það hvernig opinberar stofnanir og einkafyrirtæki geti unnið saman að því að takast á við áskoranir í menntamálum og öðrum áskorunum í samfélaginu.
„Við erum stolt af því að vinna með MMS að þessu mikilvæga verkefni. Með því að sameina sérþekkingu okkar í hugbúnaðarþróun, skýjalausnum og gervigreind við djúpa þekkingu MMS á menntamálum, erum við að skapa verkfæri sem getur haft raunveruleg áhrif á gæði menntunar í landinu,“ segir Hlöðver Þór Árnason, forstjóri APRÓ.
