Vindhamar, félag í eigu Kára Guðjóns Hallgrímssonar, stjórnanda á skuldabréfasviði JP Morgan í London, hagnaðist um nærri einn og hálfan milljarð króna á síðasta ári. Árið áður nam hagnaður 246 milljónum króna.

Fjármunatekjur námu tæplega 1,5 milljörðum króna, þar af nam óinnleyst matsbreyting verðbréfa 822 milljónum og hagnaður af sölu hlutabréfa 587 milljónum.

Eignir námu 3,9 milljörðum og eigið fé 3,5 milljörðum í lok síðasta árs.

Lykiltölur / Vindhamar

2021 2020
Fjármunatekjur 1474 247
Eignir 3860 1674
Eigið fé 3540 1674
Afkoma 1466 246
- í milljónum króna

Fréttin birtist í nýjasta tölublaði Viðskiptablaðsins.