Íslendingar eyddu 2,6 milljörðum króna í erlendri netverslun í maímánuði sem er 31,4% aukning frá maímánuði í fyrra, samkvæmt gögnum frá Tollsviði Skattsins sem Rannsóknarsetur verslunarinnar tók saman.
Um er að ræða kaup einstaklinga en tæplega helmingur af alllri erlendri netverslun fór í gegnum fataverslanir. Íslendingar keyptu föt fyrir 1,2 milljarða króna í síðasta mánuði, sem 27% aukning milli ára.
Til að finna sambærileg fatakaup Íslendinga á netinu í einum mánuði þarf að skoða síðasta desembermánuð þegar Íslendingar keyptu einnig föt fyrir um 1,2 milljarða.
Um 90% aukning á lyfjakaupum á netinu
Kaup á lyfjum og heilsuvörum úr erlendri netverslun jókst síðan um 90,6% milli ára í maí-mánuði.
Íslendingar versluðu lyf og heilsuvörur á netinu fyrir 157 milljónir króna í síðasta mánuði sem er aukning úr 82,7 milljónum í fyrra.
Áfengisinnkaup í erlendri netverslun dróst hins vegar saman um 14,6% á sama tímabili og nam ekki áfengiskaup í erlendri netverslun ekki nema 6,7 milljónir króna í síðasta mánuði.
