Fjárfestingarfélagið Eyrir Invest, stærsti hluthafi Marels, hefur skrifað undir samkomulag við fjárfestingarsjóðina JNE Partners LLP og The Baupost Group um 175 milljóna evra lán, eða sem nemur 25 milljörðum króna, til fjögurra ára. Með samkomulaginu öðlast sjóðirnir rétt til að eignast hluti í Marel frá Eyri í lok lánstímans. Þetta kemur fram í tilkynningu á vef Arctica Finance, sem var ráðgjafi Eyris í tengslum við fjármögnunina.
Samningurinn er sagður styrkja efnahag Eyris og auðvelda „umtalsverðar“ endurgreiðslur bankaskulda.
Í flöggunartilkynningu sem send var út í kvöld segir að réttur lánveitenda til afhendingar á hlut nái til alls 62.724.015 hluta í Marel, eða sem nemur 8,1% af heildarhlutafé Marels. Maraðsvirði 62,7 milljóna hluta í Marel er um 31,7 milljarðar króna miðað 506 króna lokagengi Marels í dag.
Eyrir á 24,7% hlut í Marel í dag. Því gæti farið svo að eignarhlutur Eyris í Marel fari niður í 16,6% að fjórum árum liðnum.
„Það er mikill fengur í því að fá eins öfluga samstarfsaðila og JNE Partners og The Baupost Group eru til liðs við Eyri Invest. Þeir búa yfir mikilli reynslu og verðmætri þekkingu á alþjóðamörkuðum sem mun nýtast Eyri á komandi árum,“ segir Þórður Magnússon, stjórnarformaður Eyris.
„Staða Marel er mjög sterk, þrátt fyrir þróun heimshagkerfisins og með innkomu JNE Partners og The Baupost Group er Eyrir nú enn betur í stakk búið til að styðja frekar við Marel sem kjölfestufjárfestir. Samkvæmt þeirri framtíðarsýn sem stjórnendur Marel hafa dregið upp opinberlega má búast við verulegum vexti og virðisaukningu Marel á næstu árum sem og í öðrum eignum í eignasafni Eyris,“ bætir Þórður við.
Feðgarnir Árni Oddur Þórðarson, forstjóri Marels, og Þórður Magnússon, stjórnarformaður Eyris, eru særstu hluthafar Eyris Invest með samtals 38,5% hlut. Þá eiga bæði Landsbankinn 14,1% og Lífeyrissjóður starfsmanna ríkisins 14,1% hlut auk þess sem Lífeyrissjóður verzlunarmanna á 11,2% hlut.
Viðskiptablaðið fjallaði í síðustu viku um stöðu Eyris og mögulega fjármögnun. Eignastaða Eyris hefur rýrnað verulega síðastliðið ár samhliða fallandi hlutabréfaverði Marels, sem var um 94% af heildareignum fjárfestingarfélagsins um síðustu áramót.
Fá inn langtímafjárfesta
Í tilkynningunni er fjárfestingarfélögunum JNE Partners og The Baupost Group lýst sem langtímafjárfestum.
JNE Partners er fjárfestingarfélag sem staðsett er í London. Félagið hefur síðustu 16 ár fjárfest í bæði skráðum og óskráðum félögum víðsvegar um Evrópu. Eignir í stýringu JNE Partners eru yfir 1 milljarður Bandaríkjadala.
„JNE Partners hefur verið hluthafi í Marel frá árinu 2017 og við höfum mikla trú á félaginu sem er leiðandi á heimsvísu á sviði tæknilausna í matvælavinnslu. Við virðum mikils hvernig Eyrir Invest sem kjölfestufjárfestir og Árni Oddur Þórðarson, forstjóri Marel, hafa leitt vöxt Marel síðustu tvo áratugi og þann árangur sem náðst hefur undir þeirra forystu,“ er haft eftir Jonathan Esfandi, framkvæmdastjóra hjá JNE Partners.
„Við erum afar ánægð með að styrkja nú samstarf okkar enn frekar við Eyri Invest og við hlökkum til samstarfs um áframhaldandi vöxt og frekari þróun Marel sem og annarra eigna í eignasafni Eyris Invest.“
The Baupost Group er sjóðastýringarfélag sem stofnað var 1982 og er með höfuðstöðvar í Boston í Bandaríkjunum. Í tilkynningunni segir að í fjárfestingum horfi félagið einkum til langtímafjárfestingar í virðisfélögum. The Baupost Group stýrir fjárfestingum fyrir hönd fjölskyldna, sjóða og styrktarsjóða, sem og starfsmanna sem samanlagt eru stærsti viðskiptavinur félagsins.
Ráðgjafar Eyris í tengslum við fjármögnunina voru Arctica Finance og LOGOS sem nutu aðstoðar Arendt. Ráðgjafar JNE Partners LLP og The Baupost Group voru Reed Smith LLP sem nutu aðstoðar Elvinger Hoss Prussen.
Fjárfestingarfélagið Eyrir Invest, stærsti hluthafi Marels, hefur skrifað undir samkomulag við fjárfestingarsjóðina JNE Partners LLP og The Baupost Group um 175 milljóna evra lán, eða sem nemur 25 milljörðum króna, til fjögurra ára. Með samkomulaginu öðlast sjóðirnir rétt til að eignast hluti í Marel frá Eyri í lok lánstímans. Þetta kemur fram í tilkynningu á vef Arctica Finance, sem var ráðgjafi Eyris í tengslum við fjármögnunina.
Samningurinn er sagður styrkja efnahag Eyris og auðvelda „umtalsverðar“ endurgreiðslur bankaskulda.
Í flöggunartilkynningu sem send var út í kvöld segir að réttur lánveitenda til afhendingar á hlut nái til alls 62.724.015 hluta í Marel, eða sem nemur 8,1% af heildarhlutafé Marels. Maraðsvirði 62,7 milljóna hluta í Marel er um 31,7 milljarðar króna miðað 506 króna lokagengi Marels í dag.
Eyrir á 24,7% hlut í Marel í dag. Því gæti farið svo að eignarhlutur Eyris í Marel fari niður í 16,6% að fjórum árum liðnum.
„Það er mikill fengur í því að fá eins öfluga samstarfsaðila og JNE Partners og The Baupost Group eru til liðs við Eyri Invest. Þeir búa yfir mikilli reynslu og verðmætri þekkingu á alþjóðamörkuðum sem mun nýtast Eyri á komandi árum,“ segir Þórður Magnússon, stjórnarformaður Eyris.
„Staða Marel er mjög sterk, þrátt fyrir þróun heimshagkerfisins og með innkomu JNE Partners og The Baupost Group er Eyrir nú enn betur í stakk búið til að styðja frekar við Marel sem kjölfestufjárfestir. Samkvæmt þeirri framtíðarsýn sem stjórnendur Marel hafa dregið upp opinberlega má búast við verulegum vexti og virðisaukningu Marel á næstu árum sem og í öðrum eignum í eignasafni Eyris,“ bætir Þórður við.
Feðgarnir Árni Oddur Þórðarson, forstjóri Marels, og Þórður Magnússon, stjórnarformaður Eyris, eru særstu hluthafar Eyris Invest með samtals 38,5% hlut. Þá eiga bæði Landsbankinn 14,1% og Lífeyrissjóður starfsmanna ríkisins 14,1% hlut auk þess sem Lífeyrissjóður verzlunarmanna á 11,2% hlut.
Viðskiptablaðið fjallaði í síðustu viku um stöðu Eyris og mögulega fjármögnun. Eignastaða Eyris hefur rýrnað verulega síðastliðið ár samhliða fallandi hlutabréfaverði Marels, sem var um 94% af heildareignum fjárfestingarfélagsins um síðustu áramót.
Fá inn langtímafjárfesta
Í tilkynningunni er fjárfestingarfélögunum JNE Partners og The Baupost Group lýst sem langtímafjárfestum.
JNE Partners er fjárfestingarfélag sem staðsett er í London. Félagið hefur síðustu 16 ár fjárfest í bæði skráðum og óskráðum félögum víðsvegar um Evrópu. Eignir í stýringu JNE Partners eru yfir 1 milljarður Bandaríkjadala.
„JNE Partners hefur verið hluthafi í Marel frá árinu 2017 og við höfum mikla trú á félaginu sem er leiðandi á heimsvísu á sviði tæknilausna í matvælavinnslu. Við virðum mikils hvernig Eyrir Invest sem kjölfestufjárfestir og Árni Oddur Þórðarson, forstjóri Marel, hafa leitt vöxt Marel síðustu tvo áratugi og þann árangur sem náðst hefur undir þeirra forystu,“ er haft eftir Jonathan Esfandi, framkvæmdastjóra hjá JNE Partners.
„Við erum afar ánægð með að styrkja nú samstarf okkar enn frekar við Eyri Invest og við hlökkum til samstarfs um áframhaldandi vöxt og frekari þróun Marel sem og annarra eigna í eignasafni Eyris Invest.“
The Baupost Group er sjóðastýringarfélag sem stofnað var 1982 og er með höfuðstöðvar í Boston í Bandaríkjunum. Í tilkynningunni segir að í fjárfestingum horfi félagið einkum til langtímafjárfestingar í virðisfélögum. The Baupost Group stýrir fjárfestingum fyrir hönd fjölskyldna, sjóða og styrktarsjóða, sem og starfsmanna sem samanlagt eru stærsti viðskiptavinur félagsins.
Ráðgjafar Eyris í tengslum við fjármögnunina voru Arctica Finance og LOGOS sem nutu aðstoðar Arendt. Ráðgjafar JNE Partners LLP og The Baupost Group voru Reed Smith LLP sem nutu aðstoðar Elvinger Hoss Prussen.
