Hlutabréfaverð málmleitarfélagsins Amaroq minerals hefur lækkað um 12% á síðustu tveimur vikum eða alveg frá því að félagið hélt fjárfestadag í Landsbankanum um miðjan júní.
Gengi félagsins leiddi hækkanir á aðalmarkaði í fyrra og náði hámarki í 150,5 krónum á hlut í byrjun mars. Gengi félagsins hefur lækkað um rúm 26% síðan þá og 12% frá fjárfestadeginum í júní.
Lítil velta hefur verið með bréf félagsins og hafa gengislækkanir innan hvers dags verið litlar síðustu vikur.
Hlutabréfaverð málmleitarfélagsins Amaroq minerals hefur lækkað um 12% á síðustu tveimur vikum eða alveg frá því að félagið hélt fjárfestadag í Landsbankanum um miðjan júní.
Gengi félagsins leiddi hækkanir á aðalmarkaði í fyrra og náði hámarki í 150,5 krónum á hlut í byrjun mars. Gengi félagsins hefur lækkað um rúm 26% síðan þá og 12% frá fjárfestadeginum í júní.
Lítil velta hefur verið með bréf félagsins og hafa gengislækkanir innan hvers dags verið litlar síðustu vikur.
Á sama tíma hefur hlutabréfaverð Hampiðjunnar verið að lækka hægt og rólega dag frá degi og hefur gengið fallið um rúm 24% frá hátindi sínum í lok febrúar.
Líkt og Amaroq fór Hampiðjan á aðalmarkað í fyrra en útboðsgengi félagsins í hlutafjáraukningu samhliða skráningu var 130 krónur í áskriftarbók B og 120 krónur í áskriftarbók A.
Dagslokagengi Hampiðjunnar var 119,5 krónur í Kauphöllinni í dag og hefur gengið lækkað um 15% á árinu.
Ekkert félag á aðalmarkaði hækkaði meira en 1% í viðskiptum dagsins en gengi Icelandair leiddi hækkanir í 34 milljón króna viðskiptum er gengi flugfélagsins fór upp um 0,8%.
Úrvalsvísitalan OMXI5 hækkaði um 0,04% og heildarvelta á markaði var ekki nema 756 milljónir króna
