Gengi Ís­félagsins hækkar um tæp 7%

Hluta­bréfa­verð Ís­félagsins hækkaði um 6,5% í um 104 milljón króna við­skiptum í dag.

Dagsloka­gengi félagsins var 114 krónur á hlut sem er þó enn 24% lægra en í árs­byrjun. Út­boðs­gengi í að­draganda skráningar félagsins var 130 krónur en félagið lokaði í 153 krónum á hlut á fyrsta við­skipta­degi.

Tvöföldun veiði­gjalda og loðnu­brestur hefur þó haft áhrif á gengi félagsins sem og gengi annarra sjávarút­vegs­félaga.

Von um loðnu?

Bráða­birgðaniður­stöður mælinga Haf­rannsóknar­stofnun sýndi loðnu á mjög stóru svæði fyrir norðan land, sem ætti að vekja bjartsýni, en niður­stöður mælinga fyrir makríl voru þó von­brigði.

Hluta­bréfa­verð Síldar­vinnslunnar hækkaði einnig í við­skiptum dagsins er gengi félagsins fór upp úr 3,6% í 85 milljón króna við­skiptum. Dagsloka­gengi Síldar­vinnslunnar var 72 krónur á hlut.

Gengi Sýnar lækkaði um rúm 5% í við­skiptum dagsins og lokaði í 28,4 krónum á hlut.

Hluta­bréfa­verð JBT Marel gaf hækkanir gær­dagsins eftir og lækkaði um 3,5% en félagið birti árs­hluta­upp­gjör á mánu­dagskvöldið.

Gengi Al­vot­ech hélt áfram að lækka en hluta­bréfa­verð félagsins fór niður um tæp 3%. Dagsloka­gengið var 1.060 krónur á hlut en félagið mun birta árs­hluta­upp­gjör um miðjan mánuð.

Úr­vals­vísi­talan lækkaði um 0,91% og var heildar­velta á markaði 2,9 milljarðar.