Google segist hafa breytt um stefnu á áætlun sinni, sem fyrirtækið tilkynnti fyrir fjórum árum síðan, um að loka fyrir vafrakökur annarra fyrirtækja á Chrome-netvafra sínum.
Vafrakökur eru upplýsingapakkar sem vafraforrit vista á tölvum að beiðni vefþjóna til að fylgjast með Internetnotkun og huga að auglýsingum.
Tæknirisinn segir að þess í stað muni hann gefa notendum upplýst val um notkun á vafranum og muni þá ræða næstu skref við eftirlitsaðila.
„Það hefur verið skoðun okkar að lokun á vafrakökum frá þriðja aðila væri jákvætt skref fyrir neytendur. Nýja áætlunin sem Google setur fram er umtalsverð breyting og mun skýrast þegar frekari upplýsingar liggja fyrir,“ segir Stephen Bonner, upplýsingafulltrúi ICO.
