Hlutabréf Iceland Seafood International hafa hækkað um rúm 5% í næstum 200 milljón króna viðskiptum í Kauphöllinni í morgun.
Gengi félagsins hefur nú hækkað um 11% síðastliðinn mánuð en hlutabréf félagsins hafa verið á stöðugri uppleið frá því Bjarni Ármannsson forstjóri tilkynnti um starfslok sín.
Samhliða starfslokum Bjarna seldi Sjávarsýn, fjárfestingarfélag hans, allan 10,8% eignarhlut sinn í félaginu til útgerðarfélagsins Brims á 1.644 milljónir króna. Gengið í viðskiptunum var 5,3 krónur á hlut sem var í samræmi við gengi félagsins síðastliðnar vikur á markaði.
Ægir Páll Friðbertsson sem hefur starfað sem framkvæmdastjóri Brims undanfarin fimm ár mun taka við starfi forstjóra ISI þann 1. nóvember.
Gengið stendur í 6,1 krónu þegar þetta er skrifað en til samanburðar fór það hæst í 17,8 krónur í maí 2021.
Hlutabréf Iceland Seafood International hafa hækkað um rúm 5% í næstum 200 milljón króna viðskiptum í Kauphöllinni í morgun.
Gengi félagsins hefur nú hækkað um 11% síðastliðinn mánuð en hlutabréf félagsins hafa verið á stöðugri uppleið frá því Bjarni Ármannsson forstjóri tilkynnti um starfslok sín.
Samhliða starfslokum Bjarna seldi Sjávarsýn, fjárfestingarfélag hans, allan 10,8% eignarhlut sinn í félaginu til útgerðarfélagsins Brims á 1.644 milljónir króna. Gengið í viðskiptunum var 5,3 krónur á hlut sem var í samræmi við gengi félagsins síðastliðnar vikur á markaði.
Ægir Páll Friðbertsson sem hefur starfað sem framkvæmdastjóri Brims undanfarin fimm ár mun taka við starfi forstjóra ISI þann 1. nóvember.
Gengið stendur í 6,1 krónu þegar þetta er skrifað en til samanburðar fór það hæst í 17,8 krónur í maí 2021.
Enn langt í land með að ná vopnum sínum
Í tilkynningu um starfslok Bjarna í lok síðasta mánaðar kom fram að reksturinn hefði gengið erfiðlega að undanförnu og verðbólga hafi gert félaginu erfitt fyrir en á ýmsum sviðum hafi reynst erfitt að velta kostnaðarhækkunum út í verðlag.
Jafnframt var mikill taprekstur hjá breska dótturfélaginu Iceland Seafood UK. Eftir strembið söluferli tilkynnti ISI í lok ágúst síðastliðnum um sölu á breska félaginu til danska sjávarafurðafyrirtækisins Espersen A/S.
Í uppgjöri ISI fyrir annan ársfjórðung kom fram að neikvæð áhrif vegna breska félagsins á árinu 2023 væru áætluð um 15 milljónir punda eða um 2,5 milljarðar króna.
Iceland Seafood tapaði um 2,2 milljörðum króna á fyrstu sex mánuðum þessa árs og um 1,5 milljörðum króna á árinu 2022.
