Gerðardómur Viðskiptaráðs Íslands (GVÍ) er sjálfstæð gerðardómsstofnun sem starfar innan vébanda ráðsins. Baldvin Björn Haraldsson, formaður stjórnar GVÍ, segir að þrátt fyrir að gerðardómsmeðferð sé mjög algeng á erlendri grundu sé hún enn sem komið er ekki mikið nýtt hér á landi. Samningum milli íslenskra fyrirtækja sem innihaldi ákvæði um úrlausn deilumála fyrir gerðardómi hafi þó fjölgað verulega undanfarið.