Í kjölfar innrásar Rússa í Úkraínu þann 25. febrúar ruku upp verð á hrávörumörkuðum, þar á meðal verð á korni, olíu og málmum. Báðir stríðsaðilar eru stórir hrávöruframleiðendur, Úkraína t.a.m. í korni, matarolíu og ýmissi efnavöru, Rússar svo eins og þekkt er, stór útflytjandi á jarðgasi, áli og olíu. S&P hrávöruverðsvísitalan náði hámarki sínu í byrjun júní og hafði þá hækkað um 25% frá upphafi stríðsins, sem var 40% hækkun vísitölunnar frá áramótum.
Í upphafi vikunnar var vísitalan orðin 30% hærri en frá áramótum, og er 15% hærri en hún var við upphaf stríðsins. Verð á korni og hráolíu hefur jafnað sig en álverð hefur lækkað umtalsvert frá upphafi faraldurs.
Fréttin er hluti af lengri umfjöllun í nýjasta tölublaði Viðskiptablaðsins.
