Milljarðamæringurinn og stofnandi Alibaba, Jack Ma, virðist stefna á endurkomu en hann fjármagnaði á dögunum nýtt fyrirtæki, Hangzhou Ma‘s Kitchen Food.

Skráð eigið fé nýstofnaðs félags nemur tíu milljónum kínverskra yuan, eða sem nemur 192 milljónum króna en félag sem er í 99,9% eigu Jack Ma er skráður eigandi. Starfsemi fyrirtækisins felst í sölu á tilbúnum búnaðarvörum en aðrar upplýsingar um fyrirtækið eru af skornum skammti.

Fyrr á árinu sást Ma í fyrsta sinn á opinberum vettvangi í þrjú ár, eða frá því að hann gagnrýndi fjármálaeftirlitið í Kína árið 2020. Nýverið var greint frá því að hann hefði hætt við að selja hlutabréf í Alibaba sem væru hundruð milljóna dala virði eftir að gengi fyrirtækisins féll.