Leggja til 1,5 milljarða arð­greiðslu

Reitir skiluðu 28,7 milljarða króna rekstrarhagnaði á árinu 2024, sem er 37% aukning frá fyrra ári. Stjórn félagsins leggur til að hluthafar fái greiddan arð upp á 1,53 milljarða króna en lífeyrissjóðir eru stærstu eigendur félagsins.

Leigutekjur félagsins jukust um 8,8% og námu 16,4 milljörðum króna. Rekstrarhagnaður fyrir matsbreytingu nam 10,97 milljörðum króna og jókst um 8,1% milli ára.

Heildarhagnaður félagsins tvöfaldaðist nánast og fór úr 7,5 milljörðum króna árið 2023 í 15,3 milljarða króna 2024, sem skilaði sér í hækkun hagnaðar á hlut úr 10,2 krónum í 21,6 krónur.

Fjárfestingar félagsins voru einnig töluvert umfram áætlanir, en Reitir lögðu 18,1 milljarð króna í ný verkefni, sem er langt umfram upphaflega áætlun um 11 milljarða króna fjárfestingu.

Þar af fóru 9,6 milljarðar í kaup á nýjum eignum og 8,5 milljarðar í endurbætur á fasteignum félagsins.

Heildareignir félagsins námu 231,4 milljörðum króna í árslok og jukust um 20% frá fyrra ári, en vaxtaberandi skuldir stóðu í 128,8 milljörðum króna. Eiginfjárhlutfall félagsins hélst stöðugt og var 31,3% við árslok.

Eigendur Reita eru sem fyrr segir að stærstum hluta íslenskir lífeyrissjóðir en félagið hefur verið skráð í Kauphöll Íslands frá 2015 og er eitt stærsta fasteignafélag landsins.

Reitir gerir ráð fyrir áframhaldandi vexti og spáir 8-9% aukningu í rekstrartekjum árið 2025, sem gæti numið allt að 18 milljörðum króna. Reitir munu áfram fjárfesta í nýjum eignum og þróunarverkefnum í takt við vaxtarstefnu sína til 2028, þar sem stefnt er að því að eignir félagsins verði 300 milljarðar króna í lok tímabilsins.

Fyrirtækið gerir ráð fyrir áframhaldandi vexti og spáir 8-9% aukningu í rekstrartekjum árið 2025, sem gæti numið allt að 18 milljörðum króna.

Reitir munu áfram fjárfesta í nýjum eignum og þróunarverkefnum í takt við vaxtarstefnu sína til 2028, þar sem stefnt er að því að eignir félagsins verði 300 milljarðar króna í lok tímabilsins.