Hluta­bréf í Amaroq Minerals hækkuðu um 5,3% í Kaup­höllinni í dag í 674 milljón króna við­skiptum. Gengi málm­leitar­fé­lagsins hefur aldrei verið hærra en dagsloka­gengið var 101,5 krónur sem er hækkun úr 96,4 krónum milli daga.

Amaroq greindi frá niður­stöðum til­rauna­borana í Kaup­hallar­til­kynningu fyrir opnun markaða í morgun. Þar kom meðal annars fram að fé­lagið upp­götvaði nýja gull­æð þar sem gull­styrkur mælist hærri en nokkru sinni áður, eða 256 grömm í hverju tonni, sem Amaroq segir að eykur til muna mögu­legt vinnslu­svæði í Nalunaq.

„Þetta er hæsti gull­styrkur sem hefur fengist úr borunum í Nalunaq frá stofnun Amaroq Minerals árið 2017. Þessar niður­stöður auka þróunar­mögu­leika okkar til muna og stað­festa að gull­svæðið nær lengra og er víð­feðmara en áður var talið,“ er haft eftir Eldi Ólafs­syni, for­stjóri Amaroq í til­kynningunni.

Hluta­bréf í Amaroq Minerals hækkuðu um 5,3% í Kaup­höllinni í dag í 674 milljón króna við­skiptum. Gengi málm­leitar­fé­lagsins hefur aldrei verið hærra en dagsloka­gengið var 101,5 krónur sem er hækkun úr 96,4 krónum milli daga.

Amaroq greindi frá niður­stöðum til­rauna­borana í Kaup­hallar­til­kynningu fyrir opnun markaða í morgun. Þar kom meðal annars fram að fé­lagið upp­götvaði nýja gull­æð þar sem gull­styrkur mælist hærri en nokkru sinni áður, eða 256 grömm í hverju tonni, sem Amaroq segir að eykur til muna mögu­legt vinnslu­svæði í Nalunaq.

„Þetta er hæsti gull­styrkur sem hefur fengist úr borunum í Nalunaq frá stofnun Amaroq Minerals árið 2017. Þessar niður­stöður auka þróunar­mögu­leika okkar til muna og stað­festa að gull­svæðið nær lengra og er víð­feðmara en áður var talið,“ er haft eftir Eldi Ólafs­syni, for­stjóri Amaroq í til­kynningunni.

„Þetta er hæsti gull­styrkur sem hefur fengist úr borunum í Nalunaq frá stofnun Amaroq Minerals árið 2017. Þessar niður­stöður auka þróunar­mögu­leika okkar til muna og stað­festa að gull­svæðið nær lengra og er víð­feðmara en áður var talið,“ er haft eftir Eldi Ólafs­syni, for­stjóri Amaroq í til­kynningunni.

Ölgerðin hækkar í aðdraganda uppgjörs

Hluta­bréf í Öl­gerðinni hækkuðu um 4% í 140 milljón króna við­skiptum í dag.

Öl­gerðin birtir upp­gjör annars árs­fjórðungs eftir lokun markaða á morgun en fyrir­tækið hagnaðist um 963 milljónir króna á fyrsta árs­fjórðungi sam­kvæmt árs­hluta­reikningi. Til saman­burðar nam hagnaðurinn 521 milljón króna á sama tíma­bili í fyrra og jókst því um 85%.

Við árs­upp­gjör síðasta fjár­hags­árs sagði Öl­gerðin að fjölgun ferða­manna til Ís­lands hafi leitt til aukinna um­svifa á hótel- og veitinga­markaði og skilaði það meðal annars betri af­komu.

Öl­gerðin hagnaðist um 2,5 milljarða á síðasta rekstrar­ári og jók hagnað um 50%. Sala á bjór í kútum jókst um 48% í lítrum talið á árinu.

Sam­kvæmt mæla­borði ferða­þjónustunnar komu 1,2 milljónir ferða­manna til landsins í fyrra en horfur eru á að þeir verði yfir 2 milljónir í ár.

Iceland Seafood hækkað um 20%

Hluta­bréf Iceland Sea­food hækkuðu einnig í dag en gengi fé­lagsins hefur verið á stöðugri upp­leið frá miðjum septem­ber.

Hluta­bréf fé­lagsins hafa nú hækkað um 20% síðast­liðinn mánuð en undir lok síðasta mánaðar til­kynnti Bjarni Ár­manns­son for­stjóri um starfs­lok og tekur Ægir Páll Frið­berts­son fyrrum fram­kvæmda­stjóri Brims við fé­laginu 1. nóvember.

Sam­hliða starfs­lokum Bjarna seldi Sjávar­sýn, fjár­festingar­fé­lag hans, allan 10,8% eignar­hlut sinn í fé­laginu til út­gerðar­fé­lagsins Brims á 1.644 milljónir króna. Gengið í við­skiptunum var 5,3 krónur á hlut sem var í sam­ræmi við gengi fé­lagsins á þeim tíma.

Hluta­bréf Iceland Sea­food hækkuðu um 2,4% í dag og var dagsloka­gengið 6,4 krónur.

Arion Banki hækkaði um 2,29% í 286 milljón króna veltu á meðan Kvika hækkaði um rúm 2% í 481 milljón króna veltu. Gengi Íslandsbanka stóð í stað.

Styttist í uppgjör hjá Marel

Gengi Marels stóð í stað í dag eftir hækkanir tvo daga í röð. Dagsloka­gengi Marel var 387 krónur líkt og í gær en gengið stóð í 377 krónum fyrir helgi.

Marel birtir árs­hluta­upp­gjör þriðja árs­fjórðungs undir lok októ­ber­mánaðar en hluta­bréf Marel, sem hafa lækkað um 20% á árinu, tóku dýfu í maí þegar upp­gjör fyrsta árs­fjórðungs birtist.

Gengið fór undir 500 krónur og féll um 17,6% á einum degi. Markaðs­virði Marel féll um 80 milljarða króna sama dag.

Í upp­gjörinu kom fram að Marel hagnaðist um 9,1 milljónir evra á fyrsta árs­fjórðungi, eða sem nemur 1,35 milljörðum króna miðað við gengið í lok mars.

Til saman­burðar hagnaðist fé­lagið um 21,7 milljónir evra á sama fjórðungi í fyrra.

Mót­teknar pantanir námu 362,6 milljónum evra saman­borið við 421,7 milljónir evra á sama tíma í fyrra. Stóð pantana­bókin í 590,4 milljónum evra í lok fyrsta árs­fjórðungs og dróst saman um 6% milli ára.

Síminn hækkaði um 2,83% í 82 milljón króna við­skiptum en greint var frá því eftir lokun markaða í gær. Á­frýjunar­nefnd sam­keppnis­mála hafnaði því að taka kæru Símans vegna á­kvörðunar SKE um að hann skuli selja Nova enska boltann í heild­sölu fyrir.

Eina skráða fé­lagið sem lækkaði á markaði var Nova en gengi fé­lagsins fór niður um 0,25% í 22 milljón króna við­skiptum.

Úr­vals­vísi­talan hækkaði um 0,84% og var heildar­velta á markaði 3 milljarðar.