Ársfundur Samorku var haldinn í síðustu viku í Silfurbergi í Hörpu. Á fundinum, sem var vel sóttur, var 30 ára afmæli Samorku fagnað. Yfirskrift fundarins var „Framkvæmdum fyrir framtíðina” en á honum var farið yfir mikilvægi framkvæmda fyrir komandi kynslóðir. Einnig voru áskoranir í fjármögnun og skipulagi ræddar og hvernig þær eru samofnar efnahagslegum hagsmunum þjóðarinnar, loftslagsmarkmiðum og lífsgæðum almennings.