Donald Trump Bandaríkjaforseti kynnti í byrjun vikunnar áform sem fela í sér að börn bandarískra ríkisborgara sem fæðast frá 1. janúar 2025 til 1. janúar 2029 fái eitt þúsund dali inn á sérstakan fjárfestingareikning, svokallaðan Trump reikning. Þegar einstaklingar hafa náð 18 ára aldri verður hægt að nota fjármunina til menntunar, íbúðakaupa eða til greiðslu kostnaðar vegna stofnunar fyrirtækis.