Úrvalsvísitalan OMXI15 lækkaði um 0,46% í viðskiptum dagsins en heildarvelta á hlutabréfamarkaði var ekki nema 2,9 milljarðar.
Líkt og kunnugt er lækkaði peningastefnunefnd Seðlabanka Íslandsvexti í morgun um 50punkta sem var í samræmi við væntingar markaðsaðila.
Viðsnúningur varð á gengi Festi sem hefur hækkað um 25% frá því að félagið birti árshlutauppgjör í lok október.
Gengi Festi lækkaði um rúm 2% í um 46 milljón króna viðskiptum í dag.
Gengi félagsins fór úr 230 krónum í 288 krónur í mánuðinum en lækkaði að nýju í dag og var dagslokagengið 282 krónur. Gengi Festi hefur þó hækkað um tæp 40% á árinu.
Hlutabréfaverð Icelandair lækkaði einnig í viðskiptum dagsins er gengi flugfélagsins fór niður um 1,6 % í 221 milljón króna veltu.
Hlutabréfaverð Iceland Seafood International leiddi hækkanir á aðalmarkaði er gengi félagsins hækkaði um 3% í 29 milljón króna veltu.
Félagið birti árshlutauppgjör eftir lokun markaða.
Mesta veltan var með bréf Kviku Banka er gengi félagsins fór niður um 1% í 499 milljón króna veltu. Dagslokagengi Kviku banka var 18,7 krónur
