Opin Kerfi og Premis hafa sameinast undir merkjum OK en félögin undirrituðu samning um sameiningu í janúar. Velta OK er áætluð um 5,5 milljarðar á árinu og starfa um 130 starfsmenn hjá félaginu sem er með starfsstöðvar bæði í Reykjavík og á Sauðárkróki.
Tekjusvið OK skiptist í þrjú meginsvið sem eru sala og ráðgjöf á búnaði, hýsing og rekstur tölvukerfa, auk hugbúnaðargerðar.
Sjá einnig: Opin Kerfi og Premis í eina sæng
Félagið hefur þegar kynnt ráðningu á Gunnari Zoëga sem forstjóra en hann kemur til starfa síðar á árinu. Í framkvæmdastjórn OK sitja Reynir Stefánsson, framkvæmdastóri búnaðar, Kristinn Elvar Arnarsson, framkvæmdastjóri skýja- og rekstrarlausna, Halldór Áskell Stefánsson, framkvæmdastjóri lausna, Tryggvi Farestveit, framkvæmdastjóri viðskiptaþróun, og Daði Hannesson, framkvæmdastjóri fjármála og fólks. Auk þess hefur María Dís Gunnarsdóttir verið ráðin mannauðsstjóri.
Hluthafar OK eru framtakssjóðurinn VEX I, Fiskisund og félög í eigu starfsmanna. Skrifstofa OK ásamt sölu- og þjónustudeild flyst alfarið í Skútuvogi 2, en vöruafgreiðsla, lager og verkstæði verða á Höfðabakka 9c.
Opin Kerfi og Premis hafa sameinast undir merkjum OK en félögin undirrituðu samning um sameiningu í janúar. Velta OK er áætluð um 5,5 milljarðar á árinu og starfa um 130 starfsmenn hjá félaginu sem er með starfsstöðvar bæði í Reykjavík og á Sauðárkróki.
Tekjusvið OK skiptist í þrjú meginsvið sem eru sala og ráðgjöf á búnaði, hýsing og rekstur tölvukerfa, auk hugbúnaðargerðar.
Sjá einnig: Opin Kerfi og Premis í eina sæng
Félagið hefur þegar kynnt ráðningu á Gunnari Zoëga sem forstjóra en hann kemur til starfa síðar á árinu. Í framkvæmdastjórn OK sitja Reynir Stefánsson, framkvæmdastóri búnaðar, Kristinn Elvar Arnarsson, framkvæmdastjóri skýja- og rekstrarlausna, Halldór Áskell Stefánsson, framkvæmdastjóri lausna, Tryggvi Farestveit, framkvæmdastjóri viðskiptaþróun, og Daði Hannesson, framkvæmdastjóri fjármála og fólks. Auk þess hefur María Dís Gunnarsdóttir verið ráðin mannauðsstjóri.
Hluthafar OK eru framtakssjóðurinn VEX I, Fiskisund og félög í eigu starfsmanna. Skrifstofa OK ásamt sölu- og þjónustudeild flyst alfarið í Skútuvogi 2, en vöruafgreiðsla, lager og verkstæði verða á Höfðabakka 9c.