Skiptum á þrotabúi flugfélagsins Primera Air lauk á föstudaginn síðasta, 22. júlí. Samkvæmt úthlutunargerð þá greiddist upp í samþykktar veðkröfur alls 259.187.030 krónur. Samþykktar almennar kröfur námu 3.677.399.526 krónum og upp í þær greiddust 168.229.457 krónur eða 4,57%. Að auki var ein samþykkt forgangskrafa upp á 230 þúsund krónur sem greiddist að fullu. Skiptastjóri þrotabús Primera greinir frá þessu í samtali við Viðskiptablaðið.

Primera Air, sem var alfarið í eigu Andra Más Ingólfssonar, var úrskurðað gjaldþrota í október 2018. Flugfélagið sagði að rekstrarvandi félagsins mætti rekja til vandamála vegna flugvélaflota félagsins.