Bandaríski fjárfestingasjóðurinn Bain Capital, sem er stærsti hluthafi Icelandair, er sagður vera að fjármagna yfir tveggja milljarða dala yfirtökutilboð Edgar Bronfman jr. í National Amusement, sem er móðurfélag Paramount Global samstæðunnar.
Paramount Global, sem á sjónvarpsstöðvarnar CBS, MTV, Nickelodeon ásamt Paramount kvikmyndaverinu, hefur verið í eigu Redstone-fjölskyldunnar í næstum þrjá áratugi.
Shari Redstone, sem erfði ráðandi hlut í samstæðunni frá föður sínum, ákvað nýverið að reyna að selja hluti sína en ákvörðun hennar hefur valdið töluverðri ókyrrð innan samstæðunnar.
Bandaríski fjárfestingasjóðurinn Bain Capital, sem er stærsti hluthafi Icelandair, er sagður vera að fjármagna yfir tveggja milljarða dala yfirtökutilboð Edgar Bronfman jr. í National Amusement, sem er móðurfélag Paramount Global samstæðunnar.
Paramount Global, sem á sjónvarpsstöðvarnar CBS, MTV, Nickelodeon ásamt Paramount kvikmyndaverinu, hefur verið í eigu Redstone-fjölskyldunnar í næstum þrjá áratugi.
Shari Redstone, sem erfði ráðandi hlut í samstæðunni frá föður sínum, ákvað nýverið að reyna að selja hluti sína en ákvörðun hennar hefur valdið töluverðri ókyrrð innan samstæðunnar.
Samkvæmt The Wall Street Journal byrjaði Shari að huga að því að breyta hlutum sínum í handbært fé í fyrra en hún er sögð hafa fundið verulega fyrir því fjárhagslega þegar samstæðan ákvað að draga úr arðgreiðslum.
Skömmu síðar ákvað David Ellison, forstjóri Skydance Media og sonur milljarðamæringsins Larry Ellison, að kanna áhuga Shari á mögulegum samruna fyrirtækjanna tveggja.
Viðræður milli stjórnar National Amusement og Skydance eru í gangi um þessar mundir.
Nú hefur Bronfman bæst við í hóp fjárfesta sem vilja kaupa Paramount-samstæðuna en Bronfman var áður forstjóri Warner Music.
Yfirtökutilboð Bronfman og Bain Capital er sagt hljóða upp á 2 til 2,5 milljarða Bandaríkjadali sem samsvarar um 278 til 347 milljörðum íslenskra króna á gengi dagsins.
Kvikmyndaframleiðandinn Steven Paul, ásamt hópi fjárfesta, lagði nýverið fram þriggja milljarða tilboð í hlut National Amusement í Paramount.
Samkvæmt The Wall Street Journal er með öllu óvíst hversu alvarlega Shari Redstone sé að íhuga tilboð fjárfestahópanna tveggja á meðan samrunaviðræður eru í gangi við Skydance.
Vænlega boðið í hlut Redstone
Ef Shari tekst að selja Paramount til Skydance, Bronfman eða Paul fengi hún, samkvæmt heimildum WSJ, vænlega greitt fyrir hlutabréf sín í reiðufé en þeim fylgir um 77% atkvæðisréttur innan samstæðunnar.
Hlutabréfaeigendur án atkvæðisréttar fá greitt með bréfum í hinu sameinaða félagi.
Núverandi markaðsvirði hlutar Shari er um 750 milljónir Bandaríkjadala og fengi hún því vænlega greitt fyrir sinn hlut.
Aðrir hluthafar létu í sér heyra í fjölmiðlum og á samfélagsmiðlum þegar samrunaviðræður við Skydance hófust en þeir segja að samruninn sé frábær fyrir Shari Redstone en slæmur fyrir Paramount-samstæðuna.