Hugmyndin að Cibo Amore kviknaði þegar Davíð Már Sigurðsson, einn af stofnendum veitingastaðarins, var á ferðalagi á Ítalíu. Hann hafði heimsótt ítalskan samlokustað og varð svo hrifinn að hann ákvað að hafa samband við matreiðslumanninn Þráin Júlíusson.

„Þetta byrjaði upprunalega á því að við vorum þrjú með þetta, ég, Davíð og kærastan mín, Kristín Gyða Smáradóttir. Davíð var á ferðalagi með syni sínum og vinum hans í Róm og datt þarna inn á einhvern stað. Hann kemur heim og varð svo yfir sig hrifinn að hann hafði samband við mig og kemur með þessa hugmynd,“ segir Þráinn.