Stjörnugrís hf., sem rekur kjötvinnslu og selur kjötvörur, hagnaðist um 463 milljónir króna í fyrra, samanborið við 436 milljónir árið áður. Stjórn félagsins lagði til fyrir aðalfund að ekki verði greiddur arður á árinu 2025, að því er segir í nýbirtum ársreikningi félagsins.
Velta Stjörnugríss dróst saman um 2,4% milli ára og nam tæplega 6,1 milljarði króna á árinu 2024. Rekstrarhagnaður (EBIT) jókst úr 526 milljónum í 546 milljónir milli ára. Ársverkum fækkaði úr 165 í 149 milli ára.
Í skýrslu stjórnar kemur fram að Stjörnugrís hafi sameinast systurfélögunum Gyltubúinu Gil ehf, Gyltubúinu Brimnesi ehf, Gyltubúinu Hýrumel ehf og Svínaríki ehf. þann 1 janúar 2024.
Eignir Stjörnugríss námu 3,5 milljörðum króna í árslok 2024, samanborið við 2,8 milljarða árið áður. Eigið fé félagsins nam tæplega 2,8 milljörðum króna.
Lykiltölur / Stjörnugrís hf.
| 2023 |
| 6.244 |
| 526 |
| 436 |
| 2.786 |
| 1.953 |
| 165 |
Feðginin Geir Gunnar Geirsson og Hjördís Gissurardóttir eiga samtals um 80% hlut í Stjörnugrís, Geir á 50% hlut og Hjördís 30,44% hlut. Þá eiga þær Hallfríður Kristín og Friðrika Hjördís Geirsdætur sitt hvorn 9,78% hlutinn.
Systurfyrirtækið Stjörnuegg hefur ekki skilað ársreikningi fyrir árið 2024.
