Í síðustu viku var fyrsta skóflustungan tekin að seiðaeldisstöð Thor landeldis ehf. en samkvæmt fréttatilkynningu frá félaginu markar þetta upphafið að uppbyggingu á lóð félagsins við Þorlákshöfn.
Elliði Vignisson bæjarstjóri Ölfuss og Þórður Þórðarson, lögfræðingur Thor landeldis og einn stofnenda félagsins, tóku skóflustunguna.
Mun þetta vera fyrsti áfanginn í uppbyggingu félagsins er bygging seiðaeldisstöðvar en í framhaldinu verður byggð áfram eldisstöð fyrir 5.000 tonna árlega framleiðslu á laxi.
Thor stefnir á uppbyggingu laxeldis fyrir allt að 20.000 tonna framleiðslu á ári hér á landi en félagið hefur fengið úthlutað 25 ha lóð vestan við Þorlákshöfn undir starfsemina og hentar svæðið einstaklega vel sökum gnægðar af fersku vatni og hreinum sjó sem dælt er úr borholum.
Í síðustu viku var fyrsta skóflustungan tekin að seiðaeldisstöð Thor landeldis ehf. en samkvæmt fréttatilkynningu frá félaginu markar þetta upphafið að uppbyggingu á lóð félagsins við Þorlákshöfn.
Elliði Vignisson bæjarstjóri Ölfuss og Þórður Þórðarson, lögfræðingur Thor landeldis og einn stofnenda félagsins, tóku skóflustunguna.
Mun þetta vera fyrsti áfanginn í uppbyggingu félagsins er bygging seiðaeldisstöðvar en í framhaldinu verður byggð áfram eldisstöð fyrir 5.000 tonna árlega framleiðslu á laxi.
Thor stefnir á uppbyggingu laxeldis fyrir allt að 20.000 tonna framleiðslu á ári hér á landi en félagið hefur fengið úthlutað 25 ha lóð vestan við Þorlákshöfn undir starfsemina og hentar svæðið einstaklega vel sökum gnægðar af fersku vatni og hreinum sjó sem dælt er úr borholum.
Fyrsta slátrun 2026
Félagið stefnir á að taka við fyrstu hrognum í byrjun næsta árs og að fyrsti áframeldistankurinn verði klár um 12 mánuðum seinna, um áramótin 2025/26 en samkvæmt fréttatilkynningu má gera ráð fyrir að fyrsta slátrun á laxi verði í lok árs 2026.
Seiðastöðin sem á að reisa nú verður um 1.800 fm að stærð og er gert ráð fyrir að 10 manns starfi við hana og að 100 manns starfi hjá félaginu þegar 20.000 tonna framleiðslu verður náð.
„Þessi eldisstöð er góð viðbót við þá öflugu fiskeldisflóru sem er á svæðinu í kringum Þorlákshöfn og reyndar á öllu Reykjanesi og er þetta svæði nú að verða eitt öflugasta svæði í heiminum fyrir landeldi á laxi sem skapar mikil tækifæri í ýmsum hliðargreinum við laxeldið,“ segir Jónatan Þórðarson eldisstjóri félagsins.
Ný seiðastöð Thor landeldis verður byggð eins og best verður á kosið fyrir nútímalaxeldi.
„Það verður einstaklega gaman að fá í hendurnar glænýja seiðastöð enda eru góð seiði undirstaðan fyrir árangursríkt laxeldi. Það er einnig mikill kostur að hafa seiða- og áframeldið nálægt hvort öðru en það verður hægt að dæla seiðum beint úr seiðaeldisstöðinni í áframeldistankana með tilheyrandi kostnaðar- og vinnusparnaði,“ segir Vignir Stefánsson, stöðvarstjóri Thor landeldis ehf.