Úrvalsvísitalan OMXI15 hækkaði um 0,21% í fyrstu viðskiptum í morgun eftir að greint var frá stjórnarslitum í gær.
Af 787 milljón króna veltu í kauphöllinni rétt eftir opnun var 736 milljóna velta með bankabréf.
Hlutabréfaverð Íslandsbanka leiðir hækkanir er gengi bankans rauk upp um 4% í fyrstu viðskiptum.
Hlutabréf í Íslandsbanka hafa nú hækkað um tæp 18% síðastliðinn mánuð og stendur gengið í 117,5 krónum þegar þetta er skrifað.
Úrvalsvísitalan OMXI15 hækkaði um 0,21% í fyrstu viðskiptum í morgun eftir að greint var frá stjórnarslitum í gær.
Af 787 milljón króna veltu í kauphöllinni rétt eftir opnun var 736 milljóna velta með bankabréf.
Hlutabréfaverð Íslandsbanka leiðir hækkanir er gengi bankans rauk upp um 4% í fyrstu viðskiptum.
Hlutabréf í Íslandsbanka hafa nú hækkað um tæp 18% síðastliðinn mánuð og stendur gengið í 117,5 krónum þegar þetta er skrifað.
Um hálfs milljarðs króna utanþingsviðskipti með bréf Arion banka voru tilkynnt um níuleytið í morgun. Um svipað leyti var tilkynnt um tæplega 200 milljón króna viðskipti með bréf Kviku banka.
Hlutabréfaverð bankanna hefur verið á ágætu skriði síðastliðinn mánuð og hefur gengi Arion banka hækkað um rúm 16% og gengi Kviku banka um rúm 13%.
Gengi Icelandair lækkaði um 2,5% í fyrstu viðskiptum og stendur í 1,17 krónum um þessar mundir.
Hlutabréfaverð Alvotech byrjaði daginn einnig á lækkunum og stendur í 1.690 krónum eftir tæplega 2% lækkun.
