Vélsmiðja Orms og Víglundar ehf. hefur keypt allt hlutafé í Stálsmiðjunni-Framtak ehf. og hefur Samkeppniseftirlitið staðfest að það muni ekki aðhafast frekar vegna kaupanna.
Kaupsamningur var undirritaður þann 1. ágúst 2023 og var KPMG ráðgjafi beggja aðila í viðskiptunum.
Bæði fyrirtækin hafa annast viðgerðar- og viðhaldsþjónustu á skipum ásamt málmsmíði og þjónustu við stóriðju og iðnaðarfyrirtæki.
Í tilkynningu segir að með kaupunum séu aðilar sannfærðir um að til verði sterkari eining sem gerir aðilum betur kleift að takast á við alþjóðlegan samkeppnismarkað í skipaviðgerðum ásamt því að veita viðskiptavinum sínum betri þjónustu og hafi bolmagn til þess að takast á við stærri verkefni.
