Arion banki birti árshlutauppgjör fyrsta ársfjórðungs í lok apríl þar sem fram kom að afkoma bankans væri undir markmiðum stjórnar en bankinn hagnaðist um 4,4 milljarða króna á fyrsta ársfjórðungi 2024 samanborið við 6,3 milljarða hagnað á sama tímabili í fyrra.
Hlutabréfaverð Arion banka lækkaði í kjölfarið og fór gengið niður um 11% frá birtingu uppgjörs fram til loka júnímánaðar.
Arion banki birti árshlutauppgjör fyrsta ársfjórðungs í lok apríl þar sem fram kom að afkoma bankans væri undir markmiðum stjórnar en bankinn hagnaðist um 4,4 milljarða króna á fyrsta ársfjórðungi 2024 samanborið við 6,3 milljarða hagnað á sama tímabili í fyrra.
Hlutabréfaverð Arion banka lækkaði í kjölfarið og fór gengið niður um 11% frá birtingu uppgjörs fram til loka júnímánaðar.
Benedikt Gíslason bankastjóri Arion banka sagði í uppgjörinu að lægri afkoma á fjórðungnum skýrðist fyrst og fremst af lægri þóknanatekjum og háu skatthlutfalli þar sem tap vegna hlutabréfa sem haldið er gegn framvirkum samningum leiddi til 38% skatthlutfalls á fjórðungnum.
Hlutabréfaverð Arion banka hefur þó tekið við sér á ný í þessum mánuði og hefur gengið hækkað um rúm 6% frá því á mánudaginn.
Dagslokagengi Arion banka síðastliðinn föstudag var 126,5 krónur og stendur gengið í 134,5 krónum þegar þetta er skrifað.
Arion Banki birtir árshlutauppgjör fyrir annan ársfjórðung 26. júlí næstkomandi.