Gengi líftæknilyfjafélagsins Oculis hefur tekið við sér í vikunni en gengi félagsisn hafði lækkað um tæp 18% í mánuðinum. Gengi Oculis var 2460 krónur á hlut í byrjun mánaðar og fór niður í 2020 krónur síðastliðinn föstudag.
Hlutabréfaverð félagsins hækkaði um tæp 2% í 119 milljón króna viðskiptum.
Dagslokagengi Oculis var 2080 og hefur gengið því hækkað um rúm 3% í vikunni.
Hlutabréfaverð Reita hækkaði um tæp 2% í tæplega 300 milljón króna veltu í dag en gengi fasteignafélagsins hefur nú hækkað um 12% síðastliðinn mánuð.
Alvotech leiddi hækkanir á aðalmarkaði í dag er gengi líftæknilyfjafélagsins fór upp um tæp 3% í 270 milljón króna viðskiptum. Dagslokagengi Alvotech var 1.655 krónur.
Mesta veltan var með bréf Kviku banka en gengi bankans hækkaði um tæp 2% í milljarðs króna viðskiptum. Hlutabréfaverð Kviku banka hefur hækkað um 9% síðastliðinn mánuð.
Hlutabréfaverð Icelandair leiddi lækkanir á aðalmarkaði er gengi flugfélagsins fór niður um rúm 2% í örviðskiptum.
Úrvalsvísitalan OMXI15 hækkaði um 0,72% og var heildarvelta í kauphöllinni 4,5 milljarðar.
