Bogi Nils Bogason, forstjóri Icelandair, telur mun skynsamlegra að byggja upp þá alþjóðlegu flugvelli sem Íslendingar séu með frekar en að byggja nýjan flugvöll.
Í samtali við Morgunblaðið segir hann að það hafi ekki komið sér á óvart að hægt væri að reka flugvöll í Hvassahrauni en telur það hvorki raunhæft né skynsamlegt.
Bogi Nils Bogason, forstjóri Icelandair, telur mun skynsamlegra að byggja upp þá alþjóðlegu flugvelli sem Íslendingar séu með frekar en að byggja nýjan flugvöll.
Í samtali við Morgunblaðið segir hann að það hafi ekki komið sér á óvart að hægt væri að reka flugvöll í Hvassahrauni en telur það hvorki raunhæft né skynsamlegt.
Skýrsla starfshóps um rannsóknir á byggingu flugvallar í Hvassahrauni var kynnt í fyrradag en helstu niðurstöður voru þær að veðurskilyrði mæltu ekki gegn byggingu flugvallar í Hvassahrauni.
Meðal tillagna hópsins var að skilgreint svæði yrði tekið frá upp að Hvassahrauni fyrir þrjár flugbrautir og að unnið yrði að frekari rannsóknum.
„Flugstöðin í Reykjavík er hvorki boðleg starfsfólki né farþegum og meðan flugvöllurinn er alltaf í pattstöðu er erfitt að framkvæma og fjárfesta þar. Það er mikilvægt að leysa úr þessari stöðu og fara í þá uppbyggingu sem er algjörlega nauðsynleg,” segir Bogi í samtali við Morgunblaðið.
