Það er nóg til af húsnæði á Íslandi. Við eigum ekki að byggja meira af húsnæði. Kolefnisfótspor nýbygginga er einnig umtalsvert. Við eigum að gangast undir alþjóðlegar skuldbindingar í loftlagsmálum og hætta að byggja húsnæði. Ef það myndast þörf á húsnæði getum við bara sleppt að endurnýja lóðaleigusamninga erlendra verslunarkeðja. Þar skortir nú ekki fermetrana.
Fæstum nema Tý myndi detta ofangreinda dellu í hug. Samt sem áður þykir sambærilegur málflutningur boðlegur þegar kemur að orkumálum. Félagasamtök á borð við Landvernd og pólitískir fylgihnettir þeirra halda því fram fullum fetum að nóg sé til á raforku á Íslandi og ekki þurfi að framleiða meiri orku til þess að mæta orkuskiptum. Þetta er fullkomlega sambærilegt því að halda fram að hér sé til nóg af húsnæði.
Það er vissulega hægt að halda því fram að næg raforka sé nú þegar til staðar á Íslandi. En þá verður að fylgja sögunni að ef ekki verður meira virkjað þá mun það leiða til þess að lífskjör á Íslandi muni færast áratugi aftur í tímann. Rétt eins og það er hugsanlega fræðilega hægt að koma auknum mannfjölda fyrir í því húsnæði sem búið er að byggja – en það myndi bara bitna á lífsgæðum allra.
Týr er einn af föstum skoðanadálkum Viðskiptablaðsins.
Það er nóg til af húsnæði á Íslandi. Við eigum ekki að byggja meira af húsnæði. Kolefnisfótspor nýbygginga er einnig umtalsvert. Við eigum að gangast undir alþjóðlegar skuldbindingar í loftlagsmálum og hætta að byggja húsnæði. Ef það myndast þörf á húsnæði getum við bara sleppt að endurnýja lóðaleigusamninga erlendra verslunarkeðja. Þar skortir nú ekki fermetrana.
Fæstum nema Tý myndi detta ofangreinda dellu í hug. Samt sem áður þykir sambærilegur málflutningur boðlegur þegar kemur að orkumálum. Félagasamtök á borð við Landvernd og pólitískir fylgihnettir þeirra halda því fram fullum fetum að nóg sé til á raforku á Íslandi og ekki þurfi að framleiða meiri orku til þess að mæta orkuskiptum. Þetta er fullkomlega sambærilegt því að halda fram að hér sé til nóg af húsnæði.
Það er vissulega hægt að halda því fram að næg raforka sé nú þegar til staðar á Íslandi. En þá verður að fylgja sögunni að ef ekki verður meira virkjað þá mun það leiða til þess að lífskjör á Íslandi muni færast áratugi aftur í tímann. Rétt eins og það er hugsanlega fræðilega hægt að koma auknum mannfjölda fyrir í því húsnæði sem búið er að byggja – en það myndi bara bitna á lífsgæðum allra.
Týr er einn af föstum skoðanadálkum Viðskiptablaðsins.
