Í sumar samþykkti Alþingi lög sem veittu flokkunarreglugerð Evrópusambandsins (EU Taxonomy) lagagildi hér á landi og ber að taka mið af þeim við gerð ársreiknings rekstrarársins 2023. Í aðdraganda lagasetningarinnar á árinu 2022 bentu ýmsir aðilar á að mögulega ætti að veita aðlögunarfrest. Það töldu stjórnvöld óþarft þar sem breytinganna hafi verið beðið lengi. Nú er hins vegar að koma í ljós að stjórnvöld sjálf hefðu mögulega getað nýtt þann frest til undirbúnings við innleiðingu reglugerðarinnar.