Í apríl síðastliðnum tók Farice, sem tengir Ísland við umheiminn með fjarskiptasæstrengjunum, í notkun nýja fjarskiptaþjónustu um gervihnetti – svokallaða Varaleið. Með því var stigið stórt skref í átt að auknu öryggi samfélagslegra innviða á Íslandi, þar sem þjónustan tryggir notendum þjónustunnar lágmarksnetsamband við útlönd ef öll sæstrengjatenging við landið rofnar.