Eftir að Ragnar Gunnarsson hætti hjá Fíton var nokkur spenna á auglýsingastofunni. Menn óttuðust að hann myndi taka með sér viðskiptavini, enda sá aðili sem var í nánum tengslum við stærstu kúnnana.

Það reyndist ástæðulaus ótti hvað sem síðar verður. Ragnar hefur verið að vinna fyrir flugfélag Skúla Mogensen og félaga, WOW Air, og þykir mönnum sitt hvað um nýja nafnið.

Hins vegar hafa aðrir atburðir raskað ró eigenda Hvíta hússins, sem Íslandsbanki hefur notað fyrst og fremst við gerð auglýsinga sinna. En ekki lengur því bankinn hefur fært viðskiptin yfir til EnnEmm þar sem Hallur Baldursson og Jón Sæmundsson ráða ríkjum.