Eimskip bætti á dögunum við þriðja rafmagnsvörubílnum í flutningabílaflota sinn. Um er að ræða Volvo FM Electric 6x2 rafmagnsdráttarbíl með heildarþyngd allt að 44 tonn. Rafhlaðan í flutningabílnum er 540 kWh og tekur við allt að 43 kW í AC hleðslu og allt að 250 kW í hraðhleðslu sem skilar nægri daglegri drægni yfir allan vinnudaginn.

Bíllinn verður meðal annars notaður í gámaflutninga á höfuðborgarsvæðinu og milli Reykjavíkur og nágrannasveitarfélaga. Fyrr í sumar fékk Eimskip afhenta tvo 16 tonna rafmagnsvörubíla sem eru báðir af gerðinni Volvo FL Electric 4x2.