Bergur Þorri Benjamínsson, kennari og fyrrum formaður Sjálfbjargar, bendir á vægast sagt áhugaverða hönnun hjónabergis í íbúð í Heklureitnum svokölluðum í Reykjavík.
„Þegar ég skoðaði þessa teikningu gat ég ekki annað en hrist höfuðið,“ skrifar Bergur í færslu á Facebook.
„Hjónarúmið er kíttað inn í herbergið,“ skrifar Bergur Þorri en hann vekur sérstaka athygli á því að tvær hurðir er út úr hjónaherberginu sem veldur því að það þyrfti því að klirfa yfir rúmið.
„Hvar endar þessi della í húsnæðismálum?“skrifar Bergur Þorri.
Sjá má mynd af teikningunni og herberginu sjálfu hér að neðan.
Örn V. Kjartansson, framkvæmdastjóri Heklureits, segir staðhæfingar sem Bergur Þorri Benjamínsson hafi sett í færslu á Facebook um íbúð í Heklureit vera rangar.
„Um er að ræða hagkvæma 68 fm íbúð (77 fm m/geymslu) sem er með tveimur svefnherbergjum en mikið ákall hefur verið eftir litlum þriggja herbergja íbúðum á markaðnum.
Til að stækka alrýmið í íbúðinni er gengið hvort sínu megin inn í herbergið sem þó er tæpir 12 fm að stærð með góðum skápum. Lengd fyrir hjónarúm er 2,23 metrar,“ segir Örn í svari til Viðskiptablaðsins.
