Hákon Bergmann Óttarsson annar eigandi VínTríó ehf spjallaði um vínmenningu Íslendinga í nýútkomnu jólablaði Viðskiptablaðsins en hann deildi jafnframt með lesendum einstaklega girnilegri uppskirft af jólaglöggi sem tilvalið er að gera og njóta þessa síðustu daga fyrir jól á meðan jólagjöfunum er pakkað inn og kortin skrifuð. Ekki skemmir svo fyrir að jólalyktin sem kemur í hús við gerð jólagjöggsins er svo alveg dásamleg!
Jólaglögg
1 flaska góð rauðvín td, MIA Tempranillo, Lopez de Haro Crianza eða Cantina Zaccagnini Montepulciano.
8-10 stk stjörnuanis
6 heilar kanilstangir
75 grömm sykur
3 appelsínur.
Aðferð:
Hellið rauðvíninu í pott og setjið sykur, stjörnuanis og kanilstangir útí. Skolið appelsínurnar og skerið í sneiðar og setjið sömuleiðis í pottinn. Hitið glöggina upp að suðumarki án þess að sjóða hana, lækkið þá hitan og hrærið í þangað til sykurinn er uppleystur. Smakkið til og berið fram í fallegum glösum og njótið.
Nánar er fjallað um málið í Jólablaði Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð .
