Karl Ágúst Karlsson er 16 ára HK-ingur sem er samningsbundinn félaginu út tímabilið 2024. Hann er nýútskrifaður úr Vatnsendakóla í Kópavogi og var aðeins 14 ára þegar hann lék sinn fyrsta leik í meistaraflokki.

Markmiðin hans eru að komast út í atvinnumennsku og vinna Champions League. Fyrirmynd Karls Ágústar hans er, að hans eigin sögn, flottasti maður allra tíma, Cristiano Ronaldo.

Karl Ágúst eftir sigur á N1 mótinu á Akureyri.
Karl Ágúst eftir sigur á N1 mótinu á Akureyri.

Hver er fyrsta fótbolta minningin þín?

Þegar ég var alltaf að spila á mótum með eldri bróður mínum, Brynjari Huga, því það vantaði alltaf leikmenn í liðið.

Ertu alinn upp við mikinn fótbolta?

Neibb, enginn sem hefur verið að æfa fótbolta nema eldri bróðir minn.

Hverjir eru styrkleikarnir þínir?

Er snöggur og góður á boltanum.

Í hverju langar þig að bæta þig sem leikmaður og/eða einstaklingur?

Í skotum og verða sterkari.

Hvernig er rútínan þín á leikdegi?

Bara vakna á góðum tíma, borða hollt yfir daginn og slaka á.

Hver er erfiðasti andstæðingur sem þú hefur mætt?

Birkir Már Sævarsson, leikmaður Vals og yfir 100 leikja A - landsliðsmaður.

Karl Ágúst Karlsson leikmaður HK.
Karl Ágúst Karlsson leikmaður HK.
© Eyþór Árnason (Eyþór Árnason)

Hver er sætasti sigurinn?

Þegar ég vann Booztbar-mótið í 5.flokki. Það var fallegur sigur.

Hver eru markmiðin þín?

Að komast í atvinnumennsku og vinna deildina sem ég mun spila í. Og svo vinna Champions League.

Hver er fyrirmyndin þín?

Sá flottasti maður allra tíma, CR7.

Hvert er draumaliðið þitt?

Væri til í að spila fyrir Manchester United.

Áttu skemmtilega sögu úr fótboltaferð?

Já þegar ég fór með 2. flokki HK til London í apríl í fyrra að keppa á móti. Við enduðum í 4. sæti og kepptum meðal annars á móti Hull City.

© Eyþór Árnason (Eyþór Árnason)

Hvað gerir þú á hvíldardegi?

Slaka á og horfa á Prison Break.

Skemmtileg staðreynd um þig?

Ég gæti ekki lifað í viku einn.

Tölfræði

  • Fæðingarár: 2007
  • Félag: HK
  • Staða: Kantmaður
  • Fyrsti leikur í meistaraflokki: HK – ÍBV, 12.febrúar 2022 – 14 ára og 278 daga gamall.
  • Leikir í meistaraflokki: 19
  • Mörk í meistaraflokki: 0
  • Landsleikir: U-17 leikir: 4 , U-16 leikir: 5
  • Landsliðsmörk: U-16 mörk: 2

Tölfræði til og með 19. júní.

Viðtöl við alla knattspyrnuleikmennina má lesa í blaðinu Eftir vinnu, sem kom út fyrir helgi.