Þór Bæring Ólafsson er maður margra starfa en hann á og rekur ferðaskrifstofuna Komdu ásamt Braga Hinriki Magnússyni en sú ferðaskrifstofa sérhæfir sig í árshátíðarferðum fyrirtækja. Þór starfar einnig á útvarpsstöðinni K100 en þar stýrir hann morgunþættinum Ísland vaknar ásamt Kristínu Sif og Bolla Má alla virka morgna milli klukkan 6-10. Svo rekur hann bílavefinn, bilar365.is, enda er Þór mikill bílaáhuga maður.